«Ұлы дала музыкасы» халықаралық ғылыми-тәжірибелік конференция материалдары жинағында қазіргі заманғы өнер, мәдениет және білім беру жүйесіндегі музыкалық мұраны сақтау мен насихаттау мәселелеріне арналған мақалалар топтастырылған. Жарияланымдарда дәстүрлі және кәсіби музыкалық мәдениеттің өзекті проблемалары, көрнекті тұлғалардың рөлі, түркі халықтарының материалдық және материалдық емес мұрасының ерекшеліктері, дала фольклорының аутентті интерпретациясы мәселелері қарастырылған. Сондай-ақ тарихи-мәдени құндылықтарды сақтау, дамыту және жеткізудегі білім беру мекемелерінің маңызы мен композиторлық шығармашылық пен халық фольклорының өзара байланысы қазіргі мәдени үдерістер контексінде талданады.
«Қоғамның рухани жаңғыруы контекстіндегі қазақтың музыкалық тілі – ұлттың мәдени коды» АР26100607 ғылыми жобасын гранттық қаржыландыру аясында «Ұлы дала музыкасы» халықаралық ғылыми-тәжірибелік конференциясының материалдар жинағы жарық көрді.
